چنگیز بختاور فارس شووینیزمی نین زیندانیندا
کئچن جوما آخشامی تیرین 19 ( 05.07.2007 ) محکمه نین تشکیل تاپماسینا رغمن نه سوچلو اولدوغو باره ده حؤکم وئریلیب نه آزدلیقا بوراخیلیب ! محکمه سحر ساعات 10 دان 13 قدر داوام ائدیب .
فارس شووینیزمی نین قویروغو اولان تبریزین اینقیلاب محکمه سی گیزلی ( یئر آلتی) ، غئیری قانونی قوروملاردا عوضو اولماق و ایران ایسلام رئسپوبلیکاسی نین حاکیمیتینه قارشی تبلیغات ائتمک و .... باره ده اونو ایتتیهام ائتمیشدیر.
محکمه دن سونرا چنگیزین حایات یولداشی دفعه لرله محکمه یه موراجیعت ائده رک حاکیمین قرار وئرمه سینی طلب ائدیب. حاکیم تیرین آیی نین 25 ( 11.07.2007 ) ده قرارین وئریلمه سینی وعد ائتسه ده هله کی نه قراردان خبر وار نه آزادلیقدان !؟ تکرار تکرار موراجیعتلر جاوابسیز قالیر و اویونبازلیقلا بو هفته ، گلن هفته جاواب وئره جه ییک سؤزلری ایله باشدان ائدیرلر .
خاطیرلاداق کی 3 هفته اؤنجه تبریزین باش پراکرورلوقو( دادسیتانی ) غئیری قانونی شکیلده چنگیزین مورداد آیی نین سونونا قدر حبسده ساخلانماقی باره ده قرار وئرمیشدیر. بئله گورونور کی بو ایشلر له اونلار اوز ایسته ک لرین یئرینه قویماق نیت ینده دیرلر .
بو واسیطه ایله تامام اینسان حقوقلارینی مودافیعه ائدن قوروملاردان سیاسی محبوسلار بارده داها آکتیو اولمالارینی خواهیش ائدیرم .
حال حاضیردا چنگیز بی 11 نفر باشقا میللی سیاسی فعاللار ایله بیرگه تبریز زیندانی نین مالی بؤلمه سینده محبوسدور.
یاشاسین آذربایجان میللی آزادلیق حرکاتی
بابک بخت آور